認真製作
全套傳記形式記錄
武打場面及劇情發展找到平衡
基本上講一下便打，絕對唔覺悶
武打場面絕對寫實唔浮誇
而且精彩唔會濫拖
雖然加左大量音效，但動作真材實料
佩服甄子丹的真功夫
中間有場一打十，詠春大戰空手道，長鏡頭一shot過，全場拍掌
尾場日本將軍擂台較量
五分鐘絕無冷場
而且完全表達出詠春的『逼步追打』及『來留去送，甩手直衝』
最後逼左將軍埋柱邊，一個主觀鏡，丹爺一分鐘內連打足足接近50hit
全場掌聲雷動，很精彩
睇得出丹爺唔想淨係突出詠春的威力
多方面也流露出對詠春的尊重及中國武術的思想
作為武術中人，越看越感動
終於有人拍得出一套唔單止是『動作』的『武術』電影
丹爺演技更上層樓
亦成功塑造出一代宗師的形象
驚喜演出還有飾演漢奸的林家棟
入形入格，為套戲加入笑位之餘，最後一槍射死日本副官果幕全場拍掌
還有平地一聲雷
一出場已經索爆，飾演葉問妻子的熊黛琳
眼神表情恰到好處
最有驚喜係劇本竟然笑位不少
而且係會心微笑同言之有物果隻
當中首選呢場
阿嫂唔喜歡葉問終日練拳沉迷武學，忽略仔仔，所以唔俾葉問私鬥
有北方人硬闖葉宅要求比試
葉問不肯，他當眾羞辱葉問
葉問若無其事，阿嫂反而忍耐不住
側頭向葉問細語『唔好打爛屋企D野』全場爆笑
最頂癮係葉問只守不攻也嬴硬
但打爛左兩個花樽
跟住打打下葉問個仔踏單車斯斯然出來
『媽咪話再唔出手屋企D野爛晒啦』
之後又斯斯然踏返入去
全場又爆笑
佩服導演葉偉信
你已經成為香港新浪潮的代表
證實書院派的功力及執著
我想全港20萬詠春弟子一定捧場
中國內地也會爆場
套戲香港起碼收三千萬
P.S. 神來之筆還有一句，丹爺：『從來冇怕老婆既男人，只有尊重老婆既男人！』很浪漫
只要有脈搏，我也要創作! --------思狼
歡迎登入網上創意交流平台--------『珊瑚創作群』：
http://www.coral-creative.com.hk
歡迎登入專業動漫畫評論網站--------『萬漫談』：
http://www.comic-animation.com.hk
[
本帖最後由 思狼 於 2008-12-22 10:28 編輯 ]
